Mae Ceredigion yn rhan brydferth o Gymru i fynd am dro - p'un a ydych yn bwriadu gwneud hynny drwy'r caeau, ar hyd y ffyrdd neu ar y môr - a Gwesty Cymru yw'r lle delfrydol i gychwyn.

Does dim byd gwell na chwa o awyr iach y môr, felly ewch am dro ar hyd y Prom, rhowch gic i'r bar yn y pen draw (hen draddodiad lleol) ac wedyn eisteddwch ac ymlaciwch. Gallai'r rhai egnïol yn eich plith roi cynnig ar wneud un o'r rhain:

		Ewch am dro dros fynydd y Graig Las, neu "Consti" fel y'i gelwir yn aml (o'r enw Saesneg, Constitution Hill), ac i lawr i fae prydferth Clarach.
		Os ydych yn ddigon mentrus, ewch ar hyd y Rheilffordd Clogwyn Fictoraidd a phrofi'r olygfa anhygoel o'r Camera Obscura.
		Ewch yn ôl mewn amser yng Nghastell Aberystwyth, y castell o'r ddeuddegfed ganrif a fu unwaith yn gartref i dywysog olaf Cymru, Llywelyn ein Llyw Olaf.
		Ewch i hel achau yn y Llyfrgell Genedlaethol.
		Ewch i wylio sioe neu ffilm yn Theatr y Werin yng Nghanolfan y Celfyddydau, neu tarwch heibio i sinema'r Commodore sydd rownd y gornel.
		Ewch ar hyd Rheilffordd Cwm Rheidol yn y trên bach ac ymweld â rhaeadrau ysblennydd Pontarfynach.
		Dilynwch yn ôl traed George Borrow drwy Fynyddoedd Cambria.
		Ewch am dro i Abaty Ystrad Fflur, lle claddwyd Dafydd ap Gwilym yn ôl y sôn.
		Chwaraewch rownd neu ddwy o golff yng Nghlwb Golff Aberystwyth.
		Bwydwch y Barcutiaid Coch yng Nghanolfan Ymwelwyr Bwlch Nant-yr-Arian.

Gallwch hefyd ddefnyddio'r dolenni hyn i gael gwybodaeth bellach am weithgareddau ac atyniadau o fewn 15 milltir i'r dref, neu gallwch gysylltu â chanolfan groeso Aberystwyth:

Canolfan Groeso Aberystwyth Ffordd y Môr, Aberystwyth, Ceredigion Ffôn: 01970 612125 Web: www.tourism.ceredigion.gov.uk Ar agor o ddydd Llun i ddydd Sadwrn o 10 o'r gloch ymlaen.